முதல் டெஸ்ட்: முதல் நாள்; இலங்கை 85/2 by CricketArchive

---

Scorecard:	Sri Lanka v India
Event:	India in Sri Lanka 2008

---

DateLine: 23rd July 2008

 

வணக்கம்.

 

இந்தியாவிற்கு எதிரான டெஸ்ட் போட்டியில், முதல் நாள் ஆட்டநேர முடிவில் இலங்கை அணி தனது முதல் இன்னிங்ஸில் 2 விக்கெட்டுகள் இழப்பிற்கு 85 ரன்கள் எடுத்துள்ளது

 

இலங்கைக்கு சுற்றுப்பயணம் மேற்கொள்ளும் இந்திய அணி முதல் கட்டமாக மூன்று டெஸ்ட் போட்டிகள் கொண்ட தொடரில் பங்கேற்கிறது.

 

இந்த அரு அணிகளுக்கும் இடையேயான முதல் டெஸ்ட் போட்டி இன்று கொழும்புவில் துவங்கியது. இந்திய நேரப்படி இன்றுகாலை 10.30 மணிக்கு துவங்க வேண்டிய ஆட்டம் மழையின் காரணமாக மதியம் 2 மணிக்கு மேல் துவங்கியது.

 

பூவா... தலையா... வென்ற இலங்கை அணியின் கேப்டன் மஹேல ஜெயவர்தனே முதலில் பேட்டிங் செய்வதாக அறிவித்தார்.

 

இலங்கை அணியில் வான்டார்ட், வர்ணபுரா, குமார் சங்ககாரா, மஹேல ஜெயவர்தனே (கேப்டன்), திலன் சமரவீரா, திலகரத்னே தில்ஷான், பிரசன்னா ஜெயவர்தனா (விக்கெட் கீப்பர்), சமிந்தா வாஸ், நுவன் குலசேகரா, அஜந்தா மெண்டிஸ், முத்தையா முரளிதரன் ஆகியோர் இப்போட்டியில் விளையாடும் வீரர்களாக அறிவிக்கப்பட்டனர்.

 

இந்திய அணியில் வீரேந்திர ஷேவாக், கௌதம் காம்பிர், ராகுல் திராவிட், சச்சின் தெண்டுல்கர், சௌவுரவ் கங்குலி, , வி.வி.எஸ்.லட்சுமண், தினேஷ் கார்த்திக் (விக்கெட் கீப்பர்), அனில் கும்ப்ளே (கேப்டன்), ஜாகீர்கான், ஹர்பஜன் சிங், இஷாந்த் சர்மா ஆகியோர் இடம்பெற்றனர்.

 

இலங்கை அணியின் துவக்க வீரர்களாக வான்டார்ட்டும், வர்ணபுராவும் களமிறங்கினர். வான்டார்ட் 5 ரன்கள் எடுத்திருந்தபோது இஷாந்த் சர்மா பந்து வீச்சில் விக்கெட் கீப்பர் தினேஷ் கார்த்திக்கிடம் பிடி கொடுத்து வெளியேறினார். இவரையடுத்து வர்ணபுராவுடன், குமார் சங்ககாரா ஜோடி சேர்ந்தார்.

 

இவர் 12 ரன்கள் எடுத்த திருப்தியில் ஜாகீர்கான் பந்து வீச்சில் ராகுல் திராவிட்டிடம் பிடி கொடுத்து ஆட்டமிழந்தார். இவரையடுத்து வர்ணபுராவுடன், இலங்கை அணியின் கேப்டன் மஹேல ஜெயவர்தனே ஜோடி சேர்ந்தார்.

 

ஒருபுறம் இரண்டு விக்கெட்டுகள் விழுந்தாலும் மறுமுனையில் அதிரடி காட்டிய வர்ணபுரா ஒருதினப் போட்டி போல் விளையாடி 72 பந்துகளில் 6 பவுண்டரிகள் உள்பட தனது 3-வது அரைசதத்தைக் (இந்தியாவிற்கு எதிராக முதல் அரைசதம்) கடந்தார்.

 

வர்ணபுரா 50 ரன்களுடனும், இவருக்கு ஒத்துழைப்பு தந்த மஹேல ஜெயவர்தனே 16 ரன்களுடன் களத்தில் உள்ளனர். இன்றைய முதல் நாள் ஆட்டநேர முடிவில் இலங்கை அணி 2 விக்கெட்டுகள் இழப்பிற்கு 85 ரன்கள் எடுத்துள்ளது.

 

இஷாந்த் சர்மா, ஜாகீர்கான் ஆகியோர் தலா 1 விக்கெட்டினை வீழ்த்தினர். இன்னும் நான்கு நாள் ஆட்டம் மீதம் உள்ளது.

 

நன்றி, வணக்கம்